MERKATARITZA ETA ZERBITZU PERTSONALETAKO ENPRESA TXIKIAK EZARTZEKO ETA MODERNIZATZEKO LAGUNTZAK 2020
Gasteizko Udalak txikizkako merkataritzaren eremuko enpresa txikien eta udalerrian kokatutako zerbitzu pertsonalen ezarpena, eraberritzea eta modernizazioa sustatu nahi du.
Gasteizko udalerriko txikizkako merkataritzaren eta zerbitzu pertsonalen eremuko enpresa txikien ezarpena, eraberritzea eta modernizazioa sustatzea, itzuli beharrik gabeko dirulaguntzen bidez.
Merkataritza-jarduera duten pertsona fisiko edo juridikoak, baldintza hauek betetzen dituztenak:
- 50 langile baino gutxiago.
- Urteko negozio-bolumena edo balantze orokorra 10 milioi eurotik gorakoa ez izatea.
- Aurretik azaldutako baldintzaren bat betetzen ez duten enpresek % 25 baino gehiagoko lotura edo partaidetza ez izatea.
- Enpresak Jarduera Ekonomikoen gaineko Zergan alta emanda egon beharko du eta merkataritza-jarduera izan beharko du eskaeraren xede den lokalean, gutxienez dirulaguntza eskatzen den unetik.
- Enpresaren jarduera nagusiak Jarduera Ekonomikoen gaineko Zergaren honako talde eta/edo epigrafe hauetako baten barruan egon beharko du:
- 64: Establezimendu iraunkorretan egindako elikagaien, edarien eta tabakoaren txikizkako merkataritza (646: tabako-laboreen eta erretzaileen gaien txikizkako merkataritza eta 647.5: elikagaien eta edarien hornidura, tabakoa izan ezik, saltzeko makinen bidez).
- 65: establezimendu iraunkorretan egindako elikadurakoak ez diren produktuen txikizkako merkataritza (652.1 izan ezik: farmaziak: medikamentuen, osasun-produktuen eta norberaren higieneko produktuen txikizkako merkataritza; 654.3: aireko ibilgailuena; 654.4: ibaietako eta itsasoko ibilgailuena; 654.5: makinena; 654.6 ibilgailu mota guztietako estalki, banda eta aire-ganberena; eta 655: erregaien eta lubrifikatzaileen txikizkako merkataritza).
- 662.2: Era guztietako artikuluen txikizkako merkataritza.
- 691.1 Etxerako gai elektrikoak konpontzea.
- 691.9 B.i.s.g.ko kontsumo ondasun zenbaiten konponketa.
- 755 Bidaia-agentziak, 755.1 izan ezik
- 971.3 Arropak pasaratzea eta konpontzea.
- 972. Ile-apainketako eta edertasuneko zerbitzuak.
- Negozio-lokala honako leku hauetan egon beharko da:
- Vitoria-Gasteizko udalerriaren mugen barruan, erakunde txikiak barne, eta industrialdeak kanpoan utzita. Ez da beharrezkoa izango pertsona edo enpresa eskatzaileak Gasteizko udalerrian helbideratuta egotea.
- Lur-arrasean, erakusleihoa izatea eta jendearentzat irekita egotea. Hornidura-merkatuetan edo merkataritza-gune eta -galeria pribatuetan integratutako establezimenduak ere barnean hartu ahal izango dira. Gasolindegietan kokatutako establezimenduak ez dira finantzatuko.
- Enpresa eskatzailea ezin izango da laguntza-lerro honen onuradun izan lokal berean 2019ko deialdian onuradun izan bazen.
Diruz lagunduko dira dirulaguntza eskatu den lokalean 2019ko ekainaren 7tik 2020ko uztailaren 17ra bitartean egindako inbertsio-proiektuak:
- Merkataritza-lokala eraberritzeko obrak: merkataritza-lokala egokitzearekin, berritzearekin edo handitzearekin zerikusia duten obra guztiak, bai eta jarduerarako/eraberritzerako aurreproiektuak edo proiektu teknikoak kontratatzea ere.
- Merkataritza-lokalaren ekipamendua. Baldintza gisa, aktibo horiek erosi zirenetik gutxienez 2 urtez enpresan egotea eskatzen da:
- Jarduera nagusiarekin zuzenean lotutako makineria.
- Merkataritza-altzariak.
- Errotuluak, toldoak eta pertsianak.
- Girotzeko tresneria.
- Produktuari atxiki gabeko segurtasun-ekipoak.
- Kutxa erregistratzaileak.
Diruz lagun daitekeen gutxieneko inbertsioa: 100 €/ m2, diruz lagun daitekeen jarduerarako. Diruz lagun daitekeen proiektua kontuan hartzeko inbertsioa minimoa ez da inoiz 15.000 €-tik gorakoa izango.
- Erakusketa- eta proba-artikuluak, bai eta ondoren jendeari salgai jar daitezkeenak ere.
- Garraio-kostuak, aseguruak, administrazio-baimenen, lizentzien edo antzekoen tasak, eta inolako zerga edo zergarik ordaintzea.
- Garraio-elementuak, telebistak edo telefono-terminalak erostea.
- Lokala erostea, ez eta eskualdatzeko eskubideak, alokairu-errentak eta frankizietara sartzeko kanonak ere.
- Piezak mantentzeko edo konpontzeko edo ordezkatzeko gastuak.
- Bulegoko materialen, tresnen edo antzekoen gastuak.
- Finantza-errentamenduko formulen edo antzekoen bidez egindako inbertsioak.
- 50 eurotik beherako zenbateko garbi unitarioa duen edozein aktibo edo material erostea.
- Merkataritza-lokalaren ekipamendu-zerrendan berariaz diruz laguntzeko modukotzat jotzen ez den beste edozein aktibo erostea.
- Diruz lagundu daitekeen edozein kontzeptu, baldin eta hornitzailea enpresa eskatzaileari lotutako enpresa bat bada. Lotutako enpresatzat hartzen da Sozietateen gaineko Zergari buruzko abenduaren 13ko 37/2013 Foru Arauaren 42.3 artikuluan jasotako definizioa.
Dirulaguntzaren gehieneko zenbatekoa:
- 180 euro azalera erabilgarriaren m2 bakoitzeko, Alde Zaharrean, Lovainan, Koroatzean, Anglon, El Pilarren, Zabalgunean eta Lovainan kokatutako proiektuetarako. Dirulaguntzaren zenbatekoa ez da inola ere 20.000 eurotik gorakoa izango.
- 150 euro azalera erabilgarriaren m2 bakoitzeko, gainerako eremuetan kokatutako proiektuetarako. Dirulaguntzaren zenbatekoa ez da inoiz 16.000 eurotik gorakoa izango.
Dirulaguntzetarako eskabideekin batera, agiri hauek aurkeztu beharko dira:
- Eskabide-orria eta zinpeko aitorpena: I. eranskina.
- Pertsona fisikoa bada: NANaren kopia.
- Pertsona juridikoaren kasuan:
- IFZ
- Enpresa eratzeko eskriturak
- Ordezkaritza-ahalak.
- Ordezkaritza-ahalmena duen pertsonaren NANa.
- Soldatapeko langilerik ez izanez gero: azken hilabeteko autonomoen ordainagiria eta enpresaburu gisa inskribatuta egotearen txosten negatiboa.
- Soldatapeko langileak izanez gero: TC2 edo azken hilabeteko langileen izenen zerrenda.
- Deskribapen-memoria, III. eranskinaren arabera (proiektuaren memoria kualitatiboa eta fakturen zerrenda).
- Establezimenduaren jabetza-tituluaren edo errentamendu-kontratuaren kopia.
- Halakorik izanez gero, kontratatutako proiektu teknikoaren kopia, lokalaren azaleren azken banaketa jasotzen duena.
- Halakorik izanez gero, Bai Euskarari ziurtagiriaren kopia edo Bikain ziurtagiria lortu dela argitaratzen duen EHAAko orriaren kopia.
- Halakorik izanez gero, Hizkuntzen Europako Erreferentzi Marko Bateratuko B1 mailaren baliokidea den titulu/ziurtagiri ofizialaren kopia, euskaraz, ingelesez edo frantsesez, enpresako langileen izenean.
- Fakturen kopiak.
- Fakturak ordaindu izanaren frogagiriak.
- Epeak:
- Eskaerak 2020ko uztailaren 1etik uztailaren 17ra bitartean aurkeztuko dira.
- Fakturak ordaindu izanaren egiaztagiriak aurkezteko azken eguna 2019ko irailaren 17a izango da.
- Oinarriak eta eskabide-orria:
- https://www.vitoria-gasteiz.org/merkataritza
- San Martingo herritarren arretarako bulegoak eta udal bulego teknikoak.
- Eskabideak eta agiriak aurkeztea:
- Erregistro elektronikoaren bidez.
- San Martingo herritarren arretarako bulegoak eta udal bulego teknikoak.
Kontsultatu hemen informazio guztia