Arabako ostalaritzari laguntzeko aparteko laguntza

Arabako Foru Aldundiaren zuzeneko laguntza

Pertsona eta erakunde onuradunak

Egoitza soziala eta fiskala eta lantokia Araban izatea, eta jatetxe-arloan jardutea:

  • IAE 671: Jatetxeak.
  • IAE 672: Kafetegiak.
  • IAE 673: Kafetegiak eta tabernak, janaririk gabe edo janariarekin.
  • IAE 676: Txokolate eta izoki dendak.
  • IAE 969.1: Diskotekak eta dantza aretoak.

Diruz lagundu daitezkeen gastuak

2020ko azaroaren 1etik 2021eko martxoaren 31ra bitarteko gastuak:

  • Lokalaren errentamendua
  • Maileguen kuotak (printzipalaren interesak eta amortizazioa)
  • Langile autonomoen LAAB kuotak

2020ko azaroaren 1etik eskaera aurkeztu arteko gastuak:

  • Gas-, elektrizitate- eta ur-hornidurak.
  • COVIDaren inpaktuari lotutako aholkularitza.

* Alarma-egoera 2021eko martxoaren 31 baino lehen eteten bada, egun horretara arteko gastuak onartuko dira

Zenbatekoak

Laguntzak diruz lagun daitekeen aurrekontuaren % 50era iritsiko dira. 2019ko azaroaren 1etik 2020ko azaroaren 1era bitarteko batez besteko plantillaren arabera:

  • 3 langile edo gutxiago: 1.400 euro
  • 3 langile baino gehiago eta 6 langile edo gutxiago: 1.800 euro
  • 6 baino langile gehiago: 2.100 euro

* Zenbaki hori kalkulatzeko, langile autonomoak eta besteren konturako langileak hartuko dira kontuan.

Aurkezteko epea eta modua

Arabako Foru Aldundiaren egoitza elektronikoaren bidez, ziurtagiri digitalarekin edo BAKQ sistemarekin.

Eskabideak aurkezteko epea 2021eko martxoaren 18an amaituko da, 14: 00etan.

Pertsona fisikoak edo juridikoak eskabide bakarra aurkeztu beharko du, lokal kopurua edozein dela ere.

Eskaerak

  • Eskaera-inprimakia
  • Diruz lagun daitezkeen gastuen egiaztagiriak (fakturak, ordainagiriak edota bankuko karguak). Hala badagokio, lokalaren hipoteka-eskrituraren kopia.
  • IFZ/NAN
  • EJZren alta, diruz lagun daitezkeen epigrafeetako batean
  • 2019ko azaroaren 1etik 2020ko azaroaren 1era bitarteko batez besteko plantillaren Gizarte Segurantzaren ziurtagiria. Bere kargura langilerik ez badago, inskripziorik ez dagoela adierazten duen txostena edo KKK egoeraren txostena.

Balorazio-irizpideak

Laguntza hori norgehiagoka-erregimenean arautzen da, eta balorazio-irizpideen artean honako hauek daude:

  • Udalerriaren tamaina (puntu gehiago ematen ditu establezimendua udalerri txiki batean badago)
  • Plantilla (puntu gehiago lortzen dituzte plantilla txikiagoa dutenek)
  • Eskaeraren kalitatea (hasiera-hasieratik eskabidea osatuta badago)
  • Establezimenduaren alta-data (zenbat eta antzinatasun handiagoa, orduan eta puntu gehiago)

Ebazpena, justifikazioa eta ordainketa

Arabako Foru Aldundiak emango ditu dagozkion ebazpenak.

Diruz lagundu daitezkeen gastuen justifikazioa aurkezten denean ordainduko da dirulaguntza. Justifikazio hori aurkezteko azken eguna 2021eko uztailaren 31 da.

Aurrekontua agortuz gero, laguntza berriak ematea geldituko litzateke, eta ebazteke daudenak ezetsi egingo lirateke.

Laguntza hauek beste edozein dirulaguntzarekin bateragarriak dira.

Informazio gehiago