ayudas

AENKOMERetik Gobernu Zentralak enpresa txiki eta ertainentzako eta pertsona autonomoentzako dituen premiazko neurri osagarriak helarazten dizkizugu lokalen errentamenduen arloan, apirilaren 22an argitaratutako 15/2020 Errege Lege Dekretuan jasotakoak.

Gobernu Zentralak hainbat neurri ekonomiko argitaratu ditu langile autonomoen artean pandemiak eragindako krisia arintzeko. Horien artean, nabarmentzekoak dira norberaren kontura lan egiten duten pertsonentzako abalen lerroak, zerga-zorra ordaintzeko epeak etetea, hipoteka ordaintzeko epea luzatzea, jarduera uzteagatiko prestazioa edo aldi baterako enplegu-erregulazioko espedienteak malgutzea.

AENKOMERek Gobernu Zentralari eskatu dio pertsona autonomoak kuotetatik salbuesteko alarma-egoerak irauten duen bitartean eta jarduera hasi eta hurrengo hilabetean.

Ministroen Kontseiluak, Jose Luis Escrivá Gizarteratze, Gizarte Segurantza eta Migrazio ministroak proposatuta, Errege Lege Dekretu bat onartu du, alarma-egoeraren deklarazioak eragindako langileen egoera arintzeko hainbat neurri biltzen dituena. Horien helburua COVID-19aren ondorioak arintzea da, bai beren konturako langileentzat, bai besteren konturako langileentzat.

Arabako Foru Aldundiak premiazko neurri fiskalen lehen sorta bat jarriko du martxan, COVID-19aren osasun-krisiak gehien kaltetutako zergadunen kalte ekonomikoak minimizatzeko. Helburua da Arabako enpresen eta langileen likidezia erraztea, datozen hilabeteei aurre egin ahal izan diezaieten. Zehazki, neurri horiek bihar, asteazkena, onartuko dira ezohiko Gobernu Kontseilu batean.