ARABAKO EHUNGINTZAREN HITZARMEN KOLEKTIBO PROBINTZIALAREN FUNTSEZKO PUNTUAK (2018-2019-2020)

Honako soldata-igoera hau adosten da:
• 2017. urtea: % 1,2ko igoera, aurreko hitzarmenean ordaindutako % 0,5eko igoera kenduta.
• 2018. urtea: % 1,6ko igoera
• 2019. urtea: % 1,8ko igoera
• 2020. urtea: % 2ko igoera

Ohiko lanaldiaren iraupena astean benetako laneko 40 ordukoa izango da, hau da, benetako laneko 1.748 ordukoa, hitzarmena indarrean dagoen bitartean.

Lanaldia astelehenetik larunbatera bitartekoa izango da.

Laneguntzat hartuko dira lan-egutegiak laneguntzat jotzen dituen egun baliodun guztiak, honako salbuespen hauekin:

• Abuztuko larunbat arratsaldeetan, irteera 14: 00etan izango da.
• Gasteizko Andre Maria Zuriaren jaien egitarau ofizialari dagozkion arratsaldeetan, irteera 14: 00etan izango da.
• Arabako Lurralde Historikoko herrietako jaietako programa ofizialei dagozkien arratsaldeak, ehungintza-merkataritzak ezarpen handia duenean (Laudio, Santa Lucia eta San Roque). Irteera 14:00etan izango da.
• Olarizu eguneko arratsaldea. Irteera 14: 00etan izango da
• Arauzko oporrak.
• Gabon Gauko arratsaldean irteera 20:30etan izango da.
• Urtezahar Gauko arratsaldean irteera 19:00etan izango da.

Lanaldi arruntaren barruan, enpresako zuzendaritzak gehienez 15 ordu hartu ahal izango ditu urtean langile bakoitzeko. Ordu horiek enpresaren zuzendaritzak larrialdiei edo puntako salmenta-aldiei erantzuteko eskatzen duenean egin beharko dira, horiek ez betetzeak kalte ekonomikoak eragin baititzake.

• Inbentarioak, merkealdiak eta prezio-aldaketak ateak itxita egin ahal izango dira.
• Urtean zehar merkealdietan edo promozio desberdinetan merkataritza-ordutegiaren aurretik edo ondoren inbentarioak eta prezio-jaitsierak egin behar dituzten langileei afaria 15 eurotan edo gosaria 4 eurotan ordainduko zaie.

Baldintza onuragarrienak errespetatuz

• Lanaldi arrunta eta merkataritza-ordutegia gehi ordu-poltsa (hala badagokio) gainditzen dituzten orduak denbora librean ordainduko dira lehentasunez, hau da, ordubete eta berrogeita bost minutu lan egindako ordu bakoitzeko, edo proportzio berean, langileek nahi duten moduan.

Hitzarmen honen eraginpeko langileek egutegiko hogeita hamar opor-egun izango dituzte, eta egun horiek hartu aurreko hiru hilabeteetan langileak jasotako batez bestekoaren arabera ordainduko dira. Ateratzen den kopurua hitzarmen honetan finkatutako soldata baino txikiagoa bada, gutxienez hitzarmeneko soldata gehi aurreko urteko kontzeptu guztien batez bestekoa eta antzinatasun-plusa ordainduko dira.
Oporrak, ahal dela, udan hartuko dira. 30 opor-egunetatik 21 etenik gabe hartuko dira ekainaren 15etik irailaren 15era bitartean, non eta alderdiek ez duten adosten adierazitako egunetan ez

Gaixotasunak edo istripuak eragindako bajaren kasuan, langileak hitzarmeneko soldataren ehuneko 100 jasoko du 18 hilabeteko epean.

Ordaindutako lizentzia edo baimen hauek hartzeko eskubidea izango du langileak, Langileen Estatutuan eta Merkataritzako Esparru Akordioan ezarritakoaren kalterik gabe, honako arrazoi hauengatik:

• Ezkontzen den langile orok 19 eguneko baimena izango du.
• Seme-alaben jaiotzak, hiru egun; horietatik bi lanegunak izango dira.
• Ezkontidearen, seme-alaben, gurasoen, aitona-amonen, biloben eta anai-arreba naturalen eta politikoen gaixotasun larria edo heriotza: hiru egun. Beste bi hartu ahal izango dira, baldin eta bidaia larriki luzatzen bada.
• Ospitaleratzearen kasuan ere lizentzia emango da, ospitaleratzeak irauten duen bitartean, gehienez ere hiru egunez.
• 3 egun etxeko ospitaleratzeagatik, ospitaleratze-lizentziari metatu ezin zaizkionak.
• Adingabeei eta mendekotasuna duten lehen mailako senideei (gurasoak eta seme-alabak) medikuaren kontsultara laguntzeko lizentzia
• Medikuntza orokorreko medikuarengana edo espezialistarengana joateko behar den denbora, betiere behar bezala justifikatzen bada.
• Gurasoen, seme-alaben eta anai-arreba naturalen edo politikoen ezkontzagatik, egun bat.
• Bizilekua Estatukoa duten seme-alaben, gurasoen edo anai-arreben heriotzagatik edo gaixotasun larriagatik, hitzarmen honetan aurreikusitako ordaindutako lizentzia edozein dela ere, langileek ordaindu gabeko 15 eguneko lizentzia hartzeko aukera izango dute. Enpresak nahitaez eman beharko du lizentzia hori, gertakariaren egiaztagiria aurkeztu ondoren..

Dagoen langabezia-mailak dakarren arazo larriaren aurrean, bi alderdiek ADOSTU DUTE aparteko orduak ez egitea lan-arau gisa.

Salbuespen kasuetan bakarrik egin ahal izango dira, eta ezin izango dira inola ere legez ezarritako mugak gainditu. Ordu horiek ordu arruntaren gaineko ehuneko 75eko gainordainarekin ordainduko dira gutxienez.

Aparteko orduak igandean edo jaiegunean egiten direnean, errekargua ehuneko 150ekoa izango da.